Фәйзи Гаскаров исемендәге халык бию ансамбле Бельгиядә чыгыш ясаячак
(Казан, 20 сентябрь, «Татар-информ»). 22 сентябрьдә Фәйзи Гаскаров исемендәге халык бию ансамбле Бельгия башкаласы Брюссельдә Башкортстанның хореографик сәнгатен һәм башкорт халкының көнкүрешен тәкъдим итәчәк. Чара Россия фән һәм мәдәният үзәге һәм Россия Мәдәният министрлыгы ярдәмендә узачак. «Башинформ» хәбәр иткәнчә, программага Гаскаров мирасының алтын фондыннан «Җиде кыз» лирик биюе, «Гөлнәзирә» һәм «Заһидә» тау-башкорт биюе кергән, шулай ук заманча биюләр дә тәкъдим ителәчәк.