Миңнеханов яшь галимнәр проектлары турында: Алга бару планнарыбыз бик җитди
(Казан, 7 февраль, «Татар-информ», Надежда Гордеева). Бүген Татарстан Республикасы Президенты Рөстәм Миңнеханов Е. К. Завойский исемендәге Казан физика-техник институтында булды.
Республика җитәкчесе яшь галимнәр белән аралашты һәм аларның проектлары белән танышты.
Очрашуны ачып, Татарстан Президенты җыелучыларны ел саен 8 февральдә билгеләп үтелүче Россия фәне көне белән котлады. «Ниһаять, без бөтенебез дә фәннән башка илебезнең мондый алдынгы була алмавын аңладык», — диде ул.
Татарстанның яшь галимнәре бик перспективалы, дип белдерде Рөстәм Миңнеханов. «Мин якын арада аларның тикшеренүләре нәтиҗәсендә тормышка ашырылачак гамәли әйберләрне күрәм инде. Безнең алга бару планнарыбыз бик җитди», — дип билгеләп үтте Татарстан Президенты.