Татарстанда тагын биш кеше ковидтан үлгән
(Казан, 22 февраль, «Татар-информ»). Татарстанда тагын биш кеше коронавирус корбаны булган. 22 февральгә мәгълүматлар буенча, республикада барлыгы 1699 кеше ковидтан үлгән.
«Шулай итеп, узган тәүлектә 1932, 1952, 1986 елларда туган өч ир-ат һәм 1939, 1978 елда туган ике хатын-кыз коронавирустан үлгән», диелә Татарстан Сәламәтлек саклау министрлыгының матбугат хезмәте хәбәрендә.
Росстат мәгълүматлары буенча, Россиянең күпчелек төбәкләрендә, шулай ук Татарстанда да ковидтан теркәлгән һәм теркәлмәгән үлем очраклары арасында аерма күзәтелә.