Рөстәм Миңнеханов Чаллы шәһәр советы утырышында катнаша
(Казан, 25 февраль, «Татар-информ»). Татарстан Президенты Рөстәм Миңнеханов эш сәфәре белән Чаллыга килде, ул биредә шәһәр советы утырышында катнаша. Бу хакта ТР Президентының матбугат хезмәте хәбәр итә.
«Утырыш „Чаллы шәһәре“ муниципаль берәмлегенең 2021 елдагы социаль-икътисади үсеш нәтиҗәләренә һәм 2022 елга бурычлар билгеләүгә багышланган», — диелә матбугат хезмәте хәбәрендә.
Чара башланганчы Рөстәм Миңнеханов 1нче балалар һәм яшьләр иҗат сарае каршындагы мәйданчыкта оештырылган Автокала предприятиеләре һәм оешмалары күргәзмәсе белән танышты.