Айрат Хәйруллин: Татарстанда дәүләт хезмәтләре маркетплейсы булдырылачак
Татарстанда цифрлаштыру буенча нинди проектлар гамәлгә ашырылачак һәм нәрсәгә басым ясалачак. ТР дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин цифрлы технологияләр буенча вебинарда тамашачыларның сорауларына җавап бирде.
Аның сүзләренчә, Татарстанда дәүләт һәм кеше арасында «җөйсез бәйләнеш» булдырырга кирәк, ул аңа вакытын, акчасын янга калдырырга һәм клиент тәҗрибәсен арттырырга мөмкинлек бирәчәк.
«Бу дәүләт хезмәтләре генә түгел, ә дәүләт хезмәтләренең тулы бер маркетплейсы булачак», - дип искәртте спикер.
Айрат Хәйруллин шулай ук туристларның керемнәре турында мәгълүматлар җыю ни рәвешле алып барылуы хакында сөйләде. Аның сүзләренчә, һәр элемтә операторының үз big-dataсы, аларның мәгълүматларны баету модельләре бар.
«Мисал өчен, сез «Билайн» абоненты белән урамда йөрисез, кибеттә әйбер сатып аласыз, ди. Әгәр элегрәк телефоныгызны түләү терминалына куеп (Aplpay һәм Googlepay шулай эшли иде) NFC-технологиядән файдалансагыз, хәзер исә кәрәзле элемтә операторы үз мәгълүматларын фискаль мәгълүматлар операторы аша тулыландыра», - диде Айрат Хәйруллин.