Түбән һәм Югары Әлки авылларында буа ясадылар
Түбән һәм Югары Әлки авыллары аша агучы Ата елгасын буып сулыклар ясауны шунда яшәүчеләр күптән кирәксенгән иде. Менә быел бу эшне башлап һәм төгәлләп тә куйганнар – хәзер ике авылда да буа бар. Моңа халыктан җыелган үзара салым акчалары да тотылган, ә техника белән эшмәкәр Дамир Шәйхетдинов ярдәм иткән.
«Әлки хәбәрләре» сайтында хәбәр ителгәнчә, авылларда язгы чистарту эшләре дә башкарыла. Урта Әлки авылы зиратын бергәләп карт агачлардан, корыган үләннән арындырганнар. Ә Югары Әлкидә авылның урам-такрыкларын, йорт тирәләрен җыештырганнар.