Россия Катарда гәрәбә мәчет төзергә җыена
«Калининград гәрәбә комбинаты» Фарсы култыгы илләре белән актив хезмәттәшлек итә башлый.
«Күп еллар Кытай белән актив хезмәттәшлек итәбез. Әмма соңгы вакытта Азия һәм Якын Көнчыгыш илләре белән элемтәләрне үстерергә тырышабыз. Без Фарсы култыгы илләренә аерым игътибар бирәбез. Һәм менә хәзер үз продукциябез белән Кувәйт, Катар, Бәһрәйн, Гыйрак һәм Согуд Гарәбстаны кебек илләр базарына чыктык дип әйтергә була», - диде «Интерфакс»ка предприятиенең генераль директоры Михаил Зацепин.
Аның сүзләренчә, комбинат бу төбәктә хезмәттәшлекнең төрле проектларын гамәлгә ашыра. Алар гәрәбәне халык арасында таныту һәм популярлаштыру мәсьәләләренә дә кагыла.
«Шулай итеп, бер илдә Гәрәбә музее булдыру турында килешүләр бар инде. Катарда гәрәбә мәчет төзү планлаштырылган. Анда Екатеринбургның Патша авылы сараендагы Гәрәбә бүлмә бизәлгән элементлар булачак. Әлеге проектларга ярдәм итү бу дәүләтләрнең иң югары хөкүмәт дәрәҗәсендә күрсәтелгән», - дип өстәде Зацепин.