Фәрит Фарисов Казанда Ватан патриотлары турындагы китабын тәкъдим итәчәк
29 июльдә 11.30 сәгатьтә Казан Кызыл байраклы Жуков орденлы югары танк училищесында (адресы: Казан, Оренбург тракты, 6) Россия Язучылар берлеге әгъзасы, Татарстан Республикасының атказанган мәдәният хезмәткәре, СССРның спорт мастеры, Россия Мөфтиләр шурасы рәисе урынбасары, Мәскәү татарлары автономиясе рәисе Фәрит Фарисовның «Белые волки 2» дигән китабы тәкъдим ителәчәк. Бу хакта Бөтендөнья татар конгрессының матбугат хезмәте хәбәр итә.
«Белые волки 2» - бөтен гомерен СССР һәм РФ Кораллы Көчләрендә хезмәт итүгә багышлаган Ватан патриотлары турында китап.
«Белые волки 2» - тарихыбыз сәхифәләренә үзенә күрә бер ачкыч ул. Ул тулы җаваплар бирми, ә иң мөһим әйбер – безнең бердәмлек һәм караны – актан, дөреслекне ялганнан аера белү турында сөйләшүгә чакыра.