Кабардино-Балкариядә тауның Мостай Кәрим исемендәге түбәсенә Уфа флагын алып менделәр
Рус география җәмгыятенең Башкортстан Республикасындагы төбәк бүлеге альпинистлары командасы Уфа әләмен тауның Мостай Кәрим исемендәге түбәсенә күтәрде. Флагны башкаланың тиздән бәйрәм ителәчәк 450 еллыгы хөрмәтенә алып менгәннәр. «Башинформ» шул турыда яза.
Альпинистлар беренче категорияле кыенлыктагы алты чакрым маршрутны Төп Кавказ тавы сырты тармагында узды. Чегем тарлавыгында җәяүлеләрнең яңа туристик тау маршруты «Шагыйрьләр сукмагы» дип атала. Ул Рус география җәмгыяте химаясе белән оештырылган. Проектта катнашучылар маршрутта туристлар өчен кирәкле барлык мәгълүмат булган өч штендер урнаштырды.
Биеклеккә җайлашмыйча диярлек, Мостай Кәрим белән Кайсын Кулиев исемендәге тау түбәсенә тиз күтәрелгәндә һава шартлары да начарайган. Әмма Рус география җәмгыяте командасы үз максатына иреште, диелә хәбәрдә.