Алабугада сугыш чоры балаларына багышланган күргәзмә ачылды
Алабуга дәүләт музей-тыюлыгының Хәтер музеенда Уфа республика хәрби дан музее фондларыннан «Дети войны, вы детства не знали» мультимедиа күргәзмәсе ачылды.
Күргәзмәдә электрон рәвештә 14 мәгълүмати планшет тәкъдим ителә, һәрберсендә — берничә фото күрсәтелә. Күргәзмә — бушлай, әмма аны күрү өчен музейга керү билеты сатып алырга кирәк. Билетны «Пушкин картасы» буенча да сатып алырга була, дип хәбәр итә Алабуга муниципаль районы матбугат хезмәте.
Виртуаль күргәзмә тамашачыларга 1941-1945 елларда Башкортостан кырларында һәм заводларында эшләгән яшьләрнең архив фотографияләрен тәкъдим итә.
Күргәзмә Мәскәүнең Бөек Ватан сугышы Үзәк музееның «Җиңү территориясе» проекты кысаларында оештырыла.
Экспозицияне 12 сентябрьгә кадәр күрергә мөмкин булачак.