Зәй ГРЭСында традицион «Алтын көз» мәдәни-спорт бәйрәме узды
Зәй ГРЭСында «Алтын көз» мәдәни-спорт бәйрәме уздыру традициягә әйләнде. Бәйрәмдә 800гә якын энергетик катнаша. Бу хакта «Зәй офыклары» газетасы яза.
Мәдәни-спорт бәйрәме быел үзенчәле уен-бәйгеләргә бай булды. Станциядә хезмәт куючылар гына түгел, ветераннар да бер команда булып үзләрен ярышларда сынады.
Сәламәт яшәү рәвешен пропагандалау, җәйге спорт төрләрен популярлаштыру, көчлеләр, җитезләрне ачыклау максатында оештырылган бу чара Сабантуй төсмере алды, диелә хәбәрдә.