1 ноябрьгә кадәр «Россия Почтасы»ның өч бүлекчәсенә картон эшләнмәләрне тапшырырга мөмкин
«Россия Почтасы»ның өч Казан бүлекчәсе «БумБатл» экологик акциясенә кушылды. 1 ноябрьгә кадәр Татарстан башкаласында яшәүчеләр посылкалардан калган коробкаларны, шулай ук башка картон эшләнмәләрне эшкәртүгә тапшыра ала.
Төргәкләр түбәндәге адреслар буенча кабул ителә:
Картонны бүлектәге ачып карау өстәлендә калдырырга яки операторга чиратсыз гына тапшырырга мөмкин. Сәгать саен почта хезмәткәрләре макулатураны клиентлар залыннан алачак, аннары компания үз транспортында төргәкләрне эшкәртү урыннарына илтәчәк, дип хәбәр иттеләр «Россия почтасы» матбугат хезмәтендә.
Проектта Россиянең 34 төбәгендәге 254 почта бүлекчәсе катнаша. Акция «Экология» илкүләм проектына теләктәшлек йөзеннән уздырыла.