Ижевск мәктәбендә атыш корбаннары саны тугызга җиткән
Ижевск мәктәбендәге атыш нәтиҗәсендә 9 кеше һәлак булган, шуларның бишесе – балалар. Бу хакта РФ Тикшерү комитетына сылтама белән «РИА Новости» яза.
«Беренчел мәгълүматлар буенча, Ижевск мәктәбендәге атышта 9 кеше һәлак булган. Шуларның икесе – мәктәп каравылчылары, икесе укытучы һәм биш балигъ булмаган бала. Яраланучылар да бар», – дип белдерделәр ведомствода. Корбаннар һәм зыян күрүчеләр турындагы мәгълүмат ачыклана.