Минзәлә театрының яшь артистлары Армия сафларына китте
Көзге чакырылыш буенча Армия сафларына китүчеләр арасында Минзәлә театрының өч яшь артисты да бар. Бу хакта «Минзәлә-информ» хәбәр итә.
«Театрга яңа килгән артистларыбыз Татарстанның төрле районнарыннан. Алар театр куйган спектакльләргә уңышлы гына кереп китте. Коллективның аерылгысыз өлешенә әйләнделәр. Шуңа армиягә озату кичәсен Минзәләдә үткәрдек. Аларга, Минзәләгә килгән артистларыбызның әти- әниләренә, туганнарына җылы сүзләребезне җиткердек», – диде Минзәлә театры директоры Илнур Гайниев.
«Аннан коллектив белән хәрби комиссариат бинасы яныннан озатып калдык. Казанга хәтле үзебезнең автобуста киттеләр. Символик мәгънәгә ия булсын, үзләрен гастрольгә баргандай тойсыннар, хәрби хезмәт төгәлләнгәч, исән- сау әйләнеп кайтсыннар, дигән теләктә калабыз», – диде ул.
Театр директорысүзләренчә, алар уйнаган спектакльләрдәге рольләргә башка артистлар кертелеп, репертуар сакланачак. Шул ук вакытта алдагы елда чыгарасы әсәрләр исемлегенә үзгәреш керергә мөмкин.
Т