Алабугада кызыклы Яңа ел бәйрәме программасы тәкъдим ителә
31 декабрьдә Алабугада яшәүчеләр Яңа елны «Гуляй» паркында билгеләп үтәчәк. Оештыручылар бай һәм кызыклы программа вәгъдә итә. Бәйрәм 18.00 сәгатьтә башлана һәм 21.00 сәгатькә кадәр дәвам итәчәк.
«Алабуга нуры» сайтында хәбәр ителгәнчә, программада муниципаль конкурсларда җиңүчеләрне бүләкләү, шәһәрнең иҗат коллективларыннан һәм Алабуга мәдәният һәм сәнгать көллиятеннән хитлар, балалар өчен уеннар һәм конкурслар, бәйрәм сәүдәсе каралган.