Тимур Нагуманов мобилизацияләнгән хәрби хезмәткәрләрнең гаиләләре белән очрашты
Әлмәттә район башлыгы Тимур Нагуманов өлешчә мобилизацияләү кысаларында чакырылган ир-атларның туганнары белән очрашты.
«Сез беләсез, күптән түгел без хәрбиләргә чираттагы гуманитар ярдәм күрсәттек. Без билгеләнгән урынга барып җиттек һәм кайбер егетләребез белән шәхсән аралаштык. Әйтергә телим, алар бик яхшы эшли, нык торалар. Алар өйдәге хәбәрләргә, балалар хатларына, посылкаларга һәм без алып килгән әйберләргә бик шатланды», - дип дәвам итте Тимур Нагуманов.
Әлмәт районы өлешчә мобилизацияләүнең беренче көннәреннән үк гуманитар ярдәмне оештыруга һәм җыюга актив кушылды. Бу юлы солдатлар 90га якын позиция алдылар. Йөк сугышчылар һәм аларның командирлары соравы буенча җыела
Районнан ике «УАЗ» автомобиле җибәрелгән, якын арада тагын ике машина тапшырылачак.
Әлмәттән 7нче гуманитар йөк махсус хәрби операция зонасына илтеп тапшырылды. Район барлыгы махсус операция зонасына 47,9 тонна товар тапшырган инде.
Очрашу ахырында мобилизацияләнгән хәрби хезмәткәрләрнең гаилә әгъзалары игътибар һәм ярдәм күрсәтүләре, мөһим проблемаларны оператив хәл итүләре өчен район җитәкчелегенә рәхмәт белдерде.
«Безнең сезнең белән төп бурыч – хәрбиләрне гаилә мәшәкатьләре һәм проблемалар белән мөмкин кадәр азрак борчу. Алар хәрби бурычларны үтәүгә һәм гомерләрен саклауга күбрәк игътибар бирсен иде», - диде район башлыгы.