Татарстан Рәисе һәм Карелия башлыгы хезмәттәшлек турында фикер алышты
Татарстан Рәисе Рөстәм Миңнеханов Петербург халыкара икътисади форумы кысаларында Карелия башлыгы Артур Парфенчиков белән очрашты. Яклар ике төбәкнең хезмәттәшлеге мәсьәләләре турында фикер алышты, дип сөйләделәр Татарстан Республикасы Рәисенең матбугат хезмәтендә.
Федерациянең ике субъекты арасында үзара сәүдә күләме соңгы мәгълүматлар буенча 1,5 миллиард сум дәрәҗәсендә. Татарстан Карелиягә йөк машиналары һәм җиңел автомобильләр, автобуслар, дизель ягулыгы, дарулар җибәрә һәм аннан төзелеш материаллары белән кәгазь сатып ала.
«Безнең компанияләр электр челтәрләре төзү һәм аларга хезмәт күрсәтү, торак-коммуналь хуҗалык тармагына алдынгы технологияләр кертү өлкәсендә партнерлыкларны үстерергә әзер», – дип билгеләп үтте әңгәмә барышында Рөстәм Миңнеханов.