Татарстанда бүген яшен һәм көчле җил көтелә
Республикада күк йөзе аязучан болытлы булачак. Урыны белән, шул исәптән Казанда да, кыска вакытлы яңгырлар явачак. Кайбер урыннарда (әмма Татарстан башкаласында түгел) яшенле яңгырлар булуы мөмкин.
Җил төньяк һәм төньяк-көнчыгыштан, секундына 5-10 метр тизлектә дип фаразлана. Җилнең кыска вакыт аралыгында, шул исәптән, яшен вакытында секундына 15-18 метрга кадәр (Казанда 15 метрга кадәр генә) көчәю ихтималы бар.
Республикада һава температурасы көннең якты вакытында 20-25 градуска кадәр җылы булачак. Республика башкаласында һава +21.. +23 градуска кадәр җылыначак.