Чувашиядә гарәп телендә язылган татар кабер ташларына багышланган китап чыкты
Чувашия Республикасы мөселманнары Диния нәзарәте җитәкчелегендә һәм Венер Усманов авторлыгында Чувашиядә «Чувашстан Республикасы татар эпиграфик һәйкәлләре» дигән китап чыкты. Бу хакта Россия мөселманнары Дини җыены матбугат хезмәте хәбәр итә.
Чувашия авылларында һәм шәһәрләрендә XIII-XX гасырлардагы гарәпчә язылган йөздән артык кабер ташы сакланып калган. Эпиграфик һәйкәлләр - татар халкы мәдәниятенең аерым катламы. Гарәпчә язылган кабер ташлары - татарларның телен, тарихын һәм мәдәниятен өйрәнү өчен мөһим объект. Китапта каталог-җыентык форматында һәйкәлләрнең текстлары, фотолары, графиклары җыелган, диелә хәбәрдә.
Китаптагы фоторәсемнәр махсус камераларга төшерелгән. Кызганычка, кайбер хәрефләр авырлык белән укыла, шулай да күп нәрсәне аңлау мөмкинлеге бар. Ташларда аятьләр яки хәдисләр, мәрхүмнең исеме һәм һиҗри календарь буенча үлгән елы язылган. Бу ташларны ясаучы осталар озак вакытлар үз билгеләрен калдырган.
Гарәпчә язылган кабер ташлары күп авылларда сакланмаган. Кайдадыр саксыз мөнәсәбәт аркасында, кайдадыр аларны башка объектлар төзелешендә кулланганнар. Иң борынгы кабер ташларының берсе Чувашиядә сакланган. Республика халкы бу җирләргә һәрвакыт ихтирам белән караган. Алар һәйкәлләр янында кизү торган һәм аларны «кара казучылардан» саклаган вакытлар да булган. Чувашиядә беренче мөселман каберләре ХХ гасырда ук булган. Бүгенге көндә дә аларны өйрәнәләр һәм төрле тикшеренүләр үткәрәләр, диелә хәбәрдә.