Казанның 2нче татар гимназиясе территориясендә остазлар мәктәбе төзеләчәк
Казанда, КФУ каршындагы Шиһабетдин Мәрҗани исемендәге 2нче татар гимназиясе территориясендә 529 миллион сумга остазлар мәктәбе төзеләчәк. Дәүләт сатып алулары сайтында шул хакта тендер урнаштырылган.
Эшләрнең заказчысы – ТР Баш инвестиция-төзелеш идарәсе. Аның кысаларында җир, субай сугу эшләре, бинаның нигезен салу, түбә ябу, эчке бизәкләү һәм фасад эшләре, су- һәм җылылык челтәрләрен үткәрү һ.б. эшләр каралган.
Тендерда катнашу өчен гаризалар 30 октябрьгә кадәр кабул ителә. Башкаручы 1 ноябрьдә билгеләнәчәк. Барлык эшләр 2024 елның 1 декабренә кадәр башкарылырга тиеш.