Алабугада авыл хуҗалыгы ярминкәләрендә 22 миллион сумлык товар сатылган
Алабугада үткәрелгән көзге авыл хуҗалыгы ярминкәләрендә бүгенге көнгә алынган мәгълүматлар буенча 22,8 млн. сумлык авыл хуҗалыгы продукциясе сатылган. Алар - 20 тонна ит, 337 тонна яшелчә, 10 тонна сөт продукциясе һәм 4 тонна бал, 128 тонна ашлык. Бу хакта «Алабуга нуры» хәбәр итә.
Ярминкәләрдә «Яңа Юраш», «Яшь Көч», «Башак», «Якты үзәнлек» авыл хуҗалыгы предприятиеләре һәм крестьян-фермер хуҗалыклары актив катнаша.
Шәхси ярдәмче хуҗалык ияләре да ярминкәдә үз продукциясен тәкъдим итә.
Ярминкәләр 23 декабрьгә кадәр узачак. Алар Мираж сәүдә үзәге янындагы территориядә 9.00 сәгатьтән 15.00 сәгатькә кадәр була.