Путин Эрмитажны күрергә теләгән малайның хыялын тормышка ашырган
Россия Президенты Владимир Путин Костромадан 11 яшьлек Никита Мирошниченконың хыялын тормышка ашырды. Малай Санкт-Петербургта Дәүләт Эрмитажын күрергә теләгән. Аның хыялы турында дәүләт башлыгы Халык хуҗалыгы казанышлары күргәзмәсенең «Россия» күргәзмә-форумында «Теләкләр чыршысы»ннан алган открытка аша белгән.
Педагогның ролен һәм абруен күтәрүгә багышланган музейда әле һаман гаиләсе белән бергә экскурсиядә йөргәндә малайга Мәскәү Кремленнән Россия Дәүләт Советы утырышы алдыннан Путин шалтырата.
Президент Никитаның Эрмитаж буйлап «йөрү-йөрмәве» белән кызыксына, күргәннәреннән аңа иң ошаганы турында сорый. Җавап итеп малай аңа иң ошаганы «Павлин» сәгате (1770 елларда инглиз механигы Джеймс Кокс һәм мастер Фредерик Юри остаханәсендә эшләнгән сәгать автоматы — Т-и иск.) булуын әйтә. Шулай ук үзенең Тәхет залында һәм Малахит кунак бүлмәсендә булуын әйтә.