Полиция Казанда Корстон янындагы парковкада атыштан соң тикшерү үткәрә
Казанда полиция Корстон янындагы парковкада булган атыштан соң тикшерү үткәрә. Бу хакта «Татар-информ»га ведомстводан хәбәр иттеләр.
Бүген иртәнге сәгать 5ләр тирәсендә бер ир-ат үзен кыерсытучылар төркемен куып җибәрү өчен ут ачкан. Әлеге мәгълүмат социаль челтәрләрдә таралды.
7 гыйнварда Вишневский полиция бүлегенә бу вакыйга турында хәбәр килә. Урынга килгән полиция хезмәткәрләре сәүдә йорты парковкасында ир-атлар арасында конфликт килеп чыкканын, аның барышында ир-атларның берсе пистолетка охшаш әйбер алып, җиргә бер тапкыр атуын ачыклый.
Ир-атның үзе исеменә теркәлгән травматик корал кулланганы ачыкланган.
Хәзерге вакытта әлеге факт буенча тикшерү үткәрелә, булган хәлнең барлык шартлары ачыклана.