Бүген Татарстанда һава температурасы +30 градустан да артмаячак дип фаразлана
Якшәмбе, 7 июльдә, Татарстанда алмашынучан болытлы һава көтелә. Урыны белән кыска вакытлы яңгыр фаразлана, төнлә урыны белән көчле яңгыр яварга мөмкин. Бу хакта Татарстан Гидрометеорология һәм әйләнә-тирә мохитне күзәтү үзәге фаразында белдерелә.
Җил төньяк-көнбатыштан секундына 7-12 метр тизлектә исә, төнлә яшен вакытында 17-22 метрга, көндез урыны белән 15-20 метрга кадәр көчәергә мөмкин.
Республикада көндез һава температурасы +25..+30 градус була. Казанда көндез һава температурасы +26..+28 градус көтелә, дип билгеләп үтелә.