Әлмәт «Швейбат»ы хәрбиләргә тактик экипировка һәм мич җибәргән
Әлмәт волонтерлары хәрбиләргә ярдәм итүләрен дәвам итә. Шәһәрдә һәм районда волонтерларның берничә штабы эшли. «Швейбат» ике ел эчендә хәрби хәрәкәтләр зонасына 1 меңнән артык төрле эшләнмә җибәргән. Окоп шәмнәре, биш нокталы утыргычлар, кием-салым, тактик экипировка һәм хәтта броняның кайбер төрләре — барысы да волонтерлар кулы белән эшләнгән. Бу хакта «Әлмәт таңнары» хәбәр итә.
«Бездә даими рәвештә запаслар тулылана. Болар — тиз әзерләнә торган продуктлар, ярмалар, чәй, шикәр, куертылган сөт, тушенка, кофе, шулай ук кием-салым», - дип билгеләп үтте «Швейбат» оешмасы җитәкчесе Светлана Демидова.
Җылы оекбашларга ихтыяҗ аеруча зур. Светлана Демидова сүзләренчә, хәрби хәрәкәтләр зонасында андыйларны табып булмый, ә анда сатылганнарның бәясе югары һәм сыйфаты түбән. Шулай ук солдатларга свитер һәм одеяллар кирәк, елның салкын вакыты җитә.
Тартмаларны төяргә җирле десантчылар берлеге вәкилләре ярдәм иткән. Гуманитар йөк яңа оешкан исемле батальон составына адресланган. Штабтан хәрби хезмәткәрләргә инде күнеккән ярдәм җыелмасыннан тыш мич җибәрәчәкләр.
«Швейбат» Светлана Демидова инициативасы белән 2 ел элек барлыкка килде. Эшләү чорында штаб хәрбиләргә 400дән артык толстовка, шулкадәр үк диярлек шапка һәм эчке кием комплектлары җибәргән. Ә окоп шәмнәре, носилкалар, волонтерлар әйтүенчә, фонда эшләнә һәм аларны беркем дә санамый. Хәзер волонтерларның төп өлеше7кешедән тора.
Волонтерларның эш графигы билгеләнмәгән. Алар иртәнге сәгать 9да киләләр, ә кичке сәгать 10да кайтып китәргә мөмкин. Нәтиҗәлерәк эшләү өчен кешеләр җитмәвен искәртәләр.