Татарстан «Шүрәле», «Су анасы» һәм «Камыр Батыр»га хокукларын кире кайтарды

Татарстан «Шүрәле», «Су анасы» һәм «Камыр Батыр»га хокукларын кире кайтарды. Бу хакта «Миллиард.Татар» басмасы Телеграм-каналында хәбәр итә.

Суд шәхси компаниянең татар фольклоры персонажлары исемнәренә теркәгән товар билгеләрен гамәлдән чыгарды. Элегрәк «Национальные игрушки» җаваплыгы чикләнгән җәмгыяте «Әкият» курчак театрыннан «Шүрәле», «Су анасы» һәм «Камыр Батыр» образларын кулланган өчен 500 мең сум таләп итте.

Әмма компания татар әкиятләре белән бәйле башка исемнәргә авторлык хокукларын саклап калган:

• «Алтынчәч», «Кар кызы», «Татар егете», «Казан ханбикәсе», «Түбәтәйле каз», «Татар Әкияте Йорты», «Милли Зилант», «Убырлы карчык».

Хәзер милли геройларның образлары янәдән мәдәнияттә һәм иҗатта ирекле рәвештә кулланыла ала. Әмма компаниянең рәсми сайтында «Шүрәле», «Су Анасы» һәм «Камыр батыр» әле һаман товар билгеләре исемлегендә.

• Фәнзилә Җәүһәрова Шүрәлене тыю турында: «Бу – мәгънәсезлек һәм алай булырга тиеш түгел»

• «Шүрәле»не юк итәргә»: Татар халкының әкият геройларын яклаучы табылырмы?

• Шундый-шундый хәлләр! «Кычкырадыр: «...– ул бит минем алтын тарак!»