Транспорт чаралары реестрыннан алынган кайбер белешмәләр 1 гыйнвардан түләүле булачак
Россиядә транспорт чаралары дәүләт реестрыннан белешмә алу шартлары 2026 елның 1 гыйнварыннан үзгәрәчәк. Кайбер төр белешмәләр өчен түләү кертелә, әмма онлайн-режимда бирелә торган мәгълүматның төп өлеше элеккечә бушлай калачак. Бу хакта «Fit Service» челтәре юристы Екатерина Лазарева хәбәр итте, дип яза «РИА Новости».
Белешмә автомобильнең теркәлү фактын раслый һәм төп мәгълүматны үз эченә ала: маркасы, моделе, җитештерелгән елы, VIN-коды, дәүләт номеры һәм ПТСтагы мәгълүматлар.
Кулланучылар «Дәүләт хезмәтләре» порталы аша түләүсез рәвештә түбәндәге белешмәләрне сорый алачак:
- автомобиль буенча киңәйтелгән белешмә (VIN);
- хуҗасы турында мәгълүмат (физик затка да, юридик затка да кагыла).
Хөкүмәт карары нигезендә түбәндәге документлар өчен тарифлар кертелә:
- электрон документлар: «Дәүләт хезмәтләре» аша алынган кыскартылган белешмә 200 сум торачак;
- кәгазь документлар: кыскартылган версия — 400 сум, киңәйтелгәне — 100 сум;
- автомобильнең хуҗасы турында белешмә (кәгазьдә): бәясе 400 сум торачак. Әгәр документ күләмле булса, алтынчы биттән башлап һәр бит өчен өстәмә рәвештә 20 сум түләргә кирәк булачак.