Все новости

Татарстанда 6 меңгә якын Бөек Ватан сугышы ветераны яши

Башкортстанда «Сүз чыгар шагыйрьләрдән хикмәт берлән...» сәнгатьле уку бәйгесенең чираттагы сайлап алу туры Бәләбәй татар гимназиясе мәйданчыгында узды, дип хәбәр итә Вконтакте социаль челтәрендәге «Стәрлетамак татарлары: мәгариф, мәдәният, тарих» сәхифәсе.

Кичә Казанның 10 ресторанында Fashion Iftar проекты кысаларында оештырылган уникаль хәйрия ифтарлары узды. Проектка нигез салучы Җәннәт Минһаҗева, проектның ун еллык юбилее уңаеннан, хатын-кызлар өчен хәйрия кичәсе оештыру максаты белән шәһәрнең ун ресторанын берләштерде.

Март аенда һаваның уртача температурасы климат нормасы чикләрендә көтелә. Казан өчен ул -3,3 градус, Татарстан Республикасы өчен -4,2 градус тәшкил итә, дип хәбәр итә ТР Гидрометеорология үзәге.

«Авыл укытучысы» федераль программасы буенча узган 2025 елда Татарстанга 12 укытучы эшкә кайткан. Бу хакта Татарстан Иҗтимагый палатасында ТР Мәгариф һәм фән министрлыгының максат һәм бурычлары үтәлеше нәтиҗәләре буенча киңәшмәдә министрлыкның Кадрлар сәясәте бүлеге башлыгы Гүзәл Гатауллина сөйләде.

Татарстанда «ракета һөҗүме куркынычы» режимы фонында барлык оператив хезмәтләр тулы әзерлектә. Бу хакта Россия Гадәттән тыш хәлләр министрлыгының Республика буенча Баш идарәсе хәбәр итә.

Түбән Камада ракета һөҗүме куркынычы фонында җәмәгать транспорты хәрәкәтен чикләделәр. Бу хакта район башлыгы Радмир Беляев хәбәр итә.

Әлмәттә ракета куркынычы аркасында җәмәгать транспорты хәрәкәтен чикләделәр. Бу хакта район администрациясе хәбәр итә.

Калининградта күренекле татар драматургы, җәмәгать эшлеклесе һәм сүз остасы Туфан Миңнуллинга багышланган иҗади очрашу-лекция узачак. Бу хакта Калининградның «Кардәшләр» төбәк татар-башкорт мәдәнияте иҗтимагый оешмасының Вконтакте социаль челтәрендәге сәхифәсендә хәбәр ителә.

Казанда республикада игълан ителгән ракета куркынычы аркасында мәктәп укучыларын һәм балалар бакчаларында тәрбияләнүчеләрне яшеренү урыннарына төшерделәр. Бу хакта шәһәр мәгариф идарәсе матбугат хезмәте хәбәр итә.

Казан һәм Түбән Кама аэропортында вакытлыча чикләүләр кертелгән, дип хәбәр итә Росавиация.

В Альметьевском районе также объявлена ракетная опасность. Об этом сообщает администрация района.

Әлмәт районында да ракета һөҗүме куркынычы игълан ителде. Бу хакта район администрациясе хәбәр итә.

Татарстанда мәгариф системасы хезмәткәрләрен торак белән тәэмин итүдә ярдәм чаралары бар. Бу хакта Татарстан Иҗтимагый палатасында ТР Мәгариф һәм фән министрлыгының максат һәм бурычлары үтәлеше нәтиҗәләре буенча киңәшмәдә министрлыкның Кадрлар сәясәте бүлеге башлыгы Гүзәл Гатауллина сөйләде.

Екатеринбургта «Урал сандугачы» төбәкара татар җыры башкаручылар фестиваль-конкурсы үтәчәк. Бу хакта «Урал аръягы татарлары» төбәк иҗтимагый оешмасының Вконтакте социаль челтәрендәге сәхифәсендә хәбәр ителә.

Татарстанда беренче тапкыр «ракета һөҗүме куркынычы» режимын керттеләр. Бу хакта Гадәттән тыш хәлләр министрлыгында хәбәр иттеләр.

26 февраль көнне Уфа шәһәренең Киров районында урнашкан «Ихлас» мәчетенең 25 еллык хезмәтенә багышланган ифтар мәҗлесе узды. Чара мәчетнең юбилей датасына туры китереп оештырылды. Ул мәхәллә халкын, дин әһелләрен, иҗтимагый эшлеклеләрне берләштерде. Бу хакта Бөтендөнья татар конгрессы матбугат хезмәте хәбәр итә.

ТР Министрлар Кабинеты мәгариф учреждениеләре җитәкчеләренә бер тапкыр бирелә торган түләүләр турындагы карарны раслады. Документка Татарстан премьер-министры Алексей Песошин кул куйды һәм ул республиканың хокукый актларының рәсми порталында урнаштырылды.

«Россия – Ислам дөньясы» стратегик караш төркеме рәисе урынбасары, ТР Рәисе ярдәмчесе Марат Гатин һәм «Татмедиа» Республика матбугат һәм массакүләм коммуникацияләр агентлыгы җитәкчесенең беренче урынбасары Илдар Миргалимов Ислам Хезмәттәшлеге оешмасы (UNA) мәгълүмат агентлыклары берлегенең медиа өлкәсендәге профессиональлекләре өчен премиясе лауреатларын игълан итү тантанасында катнаштылар. Бу хакта стратегик караш төркеме матбугат хезмәте хәбәр итә.

Атнаның иң изге көне булып җомга санала, һәм мөселманнарга бу көнне сәдака бирү яхшырак. Бу хакта Татарстан мөселманнары Диния нәзарәте рәисе Камил Сәмигуллин хәбәр итте.

Татарстан Рәисе Рөстәм Миңнеханов эш визиты белән Амур өлкәсенә килде. Төбәк губернаторы Василий Орлов белән бергә ул «Восточный» космодромында булды. Бу хакта ТР Рәисе MAX каналында хәбәр итте.

«Ватан сакчылары» дәүләт фондының Ульяновск филиалы һәм Ульяновск өлкәсе мөселманнарының региональ Диния нәзарәте күптән түгел генә үзара хезмәттәшлек итү турында килешү төзегәннәр иде. Менә шушы килешү кысаларында алар махсус хәрби операциядә катнашучыларның гаиләләре, шул исәптән һәлак булган геройларның якыннары өчен экскурсия оештырган. Бу хакта Ульяновскиның «Өмет» газетасы хәбәр итә.

Татарстан Республикасы Рәисе Рөстәм Миңнеханов эш визиты белән Благовещенскига килде. Аэропортта аны Амур өлкәсе губернаторы Василий Орлов каршы алды.

Махсус хәрби операция башланганнан бирле Әлмәт районы хәрби хәрәкәтләр зонасына 58 гуманитар миссия җибәргән. Хәрбиләргә 680 млн сумлык 644 тонна ярдәм китерелгән. Бу хакта хисап сессиясендә район башлыгы Гүзәл Хәбетдинова хәбәр итте.

Рөстәм Миңнеханов Амур өлкәсенә эш сәфәре белән килде һәм инде Восточный космодромында булды, дип хәбәр итә ТР Рәисе матбугат хезмәте җитәкчесе Лилия Галимова.