Urush faxriylari Mirziyoev va’da qilgan bepul Haj imtiyozidan benasib qolmoqda
Andijonning Shahrixon tumanida yashovchi urush faxriylari O‘zbekiston prezidenti va’da qilgan Haj safariga navbatsiz va bepul borish imtiyozidan benasib qolganliklarini aytishmoqda. O‘zbekiston prezidenti Shavkat Mirziyoev aprel oyida Ikkinchi jahon urushi qatnashchilarining har qanday talab va istaklarini inobatga olish, agarda ular haj safariga borish istagini bildirsa, davlat hisobidan bepul borib kelishlarini va’da bergandi.