Тошкентда 43 га майдонда мамлакатдаги энг йирик агрологистика маркази қурилмоқда
Президент Шавкат Мирзиёев 22 июл куни Тошкент вилоятига сафари доирасида Юқоричирчиқ туманида қурилаётган агрологистика марказини бориб кўрди.
43 ярми гектарлик майдонда бир вақтнинг ўзида 10 минг тонна маҳсулотни қабул қилиш, қайта ишлар ва сотиш қурбига эга бўлган логистика маркази қурилмоқда.
Президент матбуот хизмати берган хабарга кўра, бу мажмуада 5 кросс-докинг, гипермаркет, қишлоқ хўжалиги маҳсулотларини саралаш ва сақлаш омбори, 10 минг тонналик музлатгич, 150 ўринли меҳмонхона қурилади.
Логистика марказини 2018 йилнинг учинчи чорагида тўла қувват билан ишга тушириш режаланган. Умумий қиймати 20 миллион АҚШ долларига тенг бўлган бу лойиҳани «Greenfoodtrade» МЧЖ амалга ошираётгани айтилди.