O‘zbekistonlik 45 yo‘lovchi 4 kundan buyon Penzada buzilgan avtobusda qolmoqda (FOTO)
O‘zbekistonlik mehnat muhojirlarini Moskvadan Toshkentga olib ketayotgan “Setra” avtobusi Penza shahri atrofida buzilib, yo‘lda qolib ketdi. Bu xabarni Ozodlikka etkazgan muhojirlarning aytishicha, 10 noyabrdan beri avtobusda tunayotgan yo‘lovchilar orasida go‘daklar ham bor. Penza shahri va uning atroflarida havoning shu kundagi bir kecha-kunduzlik o‘rtacha harorati 0 darajaning atrofida.