Райҳоннинг беҳаё сурати ҳақида мулоҳаза (Фото)
Ҳаддан ташқари очиқ либослар, тўй-ҳашамлардаги ғалати одатлар, бизга машҳур санъаткорларимиз хатти-ҳаракатлари орқали, уларнинг шахсан ўрнаклиги оқибатида жамиятимизга тобора чуқур шўнғиб кетаётгани бор ҳақиқат. Буни ҳамма билади. Била туриб уларнинг ортидан эргашади.
Уларнинг кийиниш ва одоб чегарасидан чиқаётганини қанчалик тартибга солишга уринмайлик, кун сайин урчиб кетяпти.
Масалан, кечагина ёшларимизнинг севимли хонандаси Райҳон Ғаниеванинг бир сайтда тушган суратини кўриб, асабим ўйнаб кетди. Ярим очиқ кўкраклар, тўрли мато остидан манаман деб кўриниб турган оёқлар – наҳотки шу либос Райҳонга ярашган бўлса?! Икки болали аёлга-я!
Бунга панжа орасидан қараб бўлмайди. Чунки унга кўр-кўрона эргашадиган, бугун тақиб чиққан зирагини эртаси куни бозорлардан қидириб юрадиганларни биламан.
Шундай экан, санъаткорларни одоб-ахлоқ чегарасига солиш пайти келди. Зеро бу тахлит ёмон ўрнакдан ёш қизларимиз ҳам айниб кетмасин.
Манба: Hordiq.uz