Prokuratura xodimlari MXXdagi rahbarlik lavozimlariga tayinlandi
Xususan¸ Bosh prokuratura huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti boshlig‘i¸ adliya katta maslahatchisi Jahongir Egamov MXX yangi raisi Ixtiër Abdullaevga o‘rinbosar etib tayinlangan.
31 yanvar kuni MXX raisi etib tayinlangan Ixtiër Abdullaev 2015 yildan mamlakat Bosh prokurori lavozimida ishlagan.
Shaxsi ochiqlanmasligini so‘ragan mulozimlarga ko‘ra¸ Milliy xavfsizlik xizmatining oddiy o‘zbekistonliklar orasida qo‘rquv bilan tilga olinadigan Tergov boshqarmasi (sobiq Gvardeyskaya ko‘chasidagi – tahr) boshlig‘i ham o‘zgargan.
Bu lavozimga Toshkent shahar prokurori o‘rinbosari¸ shahar prokuraturasining tergov boshqarmasiga rahbarlik qilgan Abror Abdullaev tayinlangan.
Hozircha bu kadr o‘zgarishlari na rasmiy matbuot va na prokuratura rasmiy saytida e’lon qilinmadi.
Ozodlik gaplashgan rasmiylar¸ MXXga olingan prokuratura xodimlarini "kuchli mutaxassislar" deb atadi.
"Avvallari Bosh prokuratura¸ IIV¸ soliq va bojxona tizimidagi rahbarlik lavozimiga asosan MXX kadrlari tayinlangan bo‘lsa¸ bugunga kelib¸ teskari jarayon boshlandi. Aksar tizimlarga prokuratura xodimlarini tayinlash boshlandi. Bular kuchli kadrlar"¸ deb izohladi bu jaraënni Ozodlik bog‘langan rasmiylardan biri.
Ayni shu kuni O‘zbekiston Bosh prokurorining 1-o‘rinbosari Murotjon Azimovga general rutbasi berildi va Davlat bojxona qo‘mitasi raisligiga tayinlandi.
2018 yil yanvaridan prezident Shavkat Mirziyoev uzoq yillar O‘zbekiston huquq tizimlari faoliyatini nazorat qilib kelgan Milliy xavfsizlik xizmatida kadr o‘zgarishlari qilishni boshladi.
Xususan¸ 31 yanvarь kuni xizmatni 23 yil davomida boshqarib kelgan general Rustam Inoyatovni MXX raisligidan bo‘shatdi.