Жуфтлик тўйга 200 киши таклиф қилди ва пул тўламай, ғойиб бўлди
Испаниянинг Виверо муниципалитетидаги ресторанлардан бирида ёш жуфтлик тўйни катта тантана билан нишонлаб, унга 200 киши таклиф қилди, бироқ муассаса эгалари тўлов учун ҳисоб тақдим этишганида, ҳеч ким пулни тўлай олмаслиги маълум бўлди.
Қарз миқдори саккиз минг евродан ошиб кетган. Испан ОАВ хабарига кўра, ресторанда шундай тўйни руминиялик циганлар ўтказишга қарор қилиб, 1,5 минг евро миқдорида дастлабки тўловни амалга оширишган ҳамда ҳужжатларни тақдим этиб, шартнома имзолашган.
Бироқ, пул тўлаш вақтида келганида, мезбонларга куёвнинг отаси ҳисобни тўлаши кераклиги, аммо “ҳозир бунинг иложи йўқлиги” ва кейинроқ пул берилишини айтишган. Лекин эртаси куни оиланинг биронта аъзосини топиб бўлмаган, қолдирилган телефон рақамларида эса ҳеч ким жавоб қайтармаган. Орадан бир неча кун ўтиб, куёвнинг акаси рафиқаси билан боғланишган. Аёл аввалига эри автоҳалокатга учрагани, кейин эса Руминияга пул олиб келишга кетганини айтган.