Венесуэлада ҳарбий машина намойишчиларни босиб ўтди (фото, видео)
Венесуэла пойтахти Каракасда ҳукуматга қарши норозилик намойишлари бошланиб кетди. Интернетда тарқалган видеолардан бирида намойишчилар ҳарбий машиналарга ҳужум қилгани, шундан сўнг улардан бири намойишчилар устига юргани ва одамлар ғилдираклар остида қолгани тасвирланган. Ҳозирча бу ҳодиса тафсилотлари ҳақида аниқ маълумот йўқ. Breaking: A military vehicle runs over pro-Guaido protesters in Caracas, Venezuela. pic.twitter.com/BxaUymaSuY — PM Breaking News (@PMBreakingNews) April 30, 2019 Бугун, 30 апрель куни Венесуэлада мухолифат раҳбари Хуан Гуайдо мамлакат ҳарбийлари ўзи томонига ўтгани ва амалдаги президент Николас Мадурони ҳокимиятдан ағдаришга қаратилган «Озодлик» ҳаракатининг «якуний босқичи» бошлангани ҳақида эълон қилиб, армия ва халқни навбатдаги намойишларга чорлаганидан кейин пойтахт Каракасда норозилик акциялари бошланиб кетди. Венесуэла Мудофаа вазири Владимир Падрино Лопес армия Мадуро томонида қолганини эълон қилди ва Каракасда бошланган тўқнашувлар давомида «қон тўкилишлари» рўй бериши мумкинлигини истисно этмади. Маҳаллий нашрларда тарқалган бошқа бир видеода тасвирланган тўқнашувда икки томонда ҳам ҳарбий формадаги қуролланган кишилар бир-бирига ўт очаётганини кўриш мумкин. #UPDATE Venezuela's government has vowed to put down what it called an "attempted coup" as opposition leader and self-proclaimed acting president Juan #Guaido said troops had joined his campaign to oust President Nicolas #Maduro https://t.co/Q3nixWv5mU pic.twitter.com/ZNvX27s7Dw — AFP news agency (@AFP) April 30, 2019 Манба: Kun.uz