Ёзда полициячи машинада уриб кетиб ўлим топган 6 яшар бола аслида маст ҳолатда бўлганмиш…
Яқинда Россия тергов қўмитаси раҳбари Александр Бастрыкин қўл остидаги ходимларга шу йил ёзда полициячи машинада уриб кетиши оқибатида ўлим топган боланинг иши бўйича чиқарилган экспертиза хулосасини қайта кўриб чиқиш вазифасини топширди. Экспертиза хулосасида Киров вилоятида автоҳалокатга учраб ҳалок бўлган 6 яшар бола қонида 0, 5 промилле этанол спирти мавжудлиги аниқлангани таъкидланганди. Бу хулоса марҳумнинг ота-онаси ва яқинларини ғазабга келтирди. Улар жиноий иш қайтадан кўриб чиқилиши ва экспертиза хулосаси ҳам бошқатдан ўрганилишини талаб қила бошлашди.
Эслатиб ўтамиз, автоҳалокат 2019 йил ёзда Буйское қишлоғи кўчасида содир бўлган. Автомобилни бошқараётган полициячи велосипедда чиқиб келган болани уриб кетган. Болакай ҳалок бўлган. Полициячи эса ҳануз қўлга олинмаган. Полициядаги ишини давом эттирмоқда.
Боланинг отаси Владимир айтиб ўтдики, хотини билан ажрашиб кетган. Ҳалок бўлган бола ёлғиз фарзанди экан. Ҳар икки ҳафтада келиб ўғлидан хабар оларкан. Охирги марта собиқ хотини хунук хабарни етказгач, дарҳол етиб келган. Тўғри полиция маҳкамасига кириб борган ва у ерда терговчи билан ораларида ғалати, ёқимсиз «суҳбат» бўлиб ўтган.
— Терговчининг биринчи бўлиб гапирган гапи шу бўлдики, — деди Владимир. — Мен боламни уриб кетган полициячи билан тил топишишим лозим экан. Мен у билан гаплашадиган гапим йўқлиги, чунки у ярамас ёлғиз боламнинг бошига етганини айтдим. У «Сен биласанми? У полиция ходими!», деди. Мен «Полициячи бўлса нима қилай? У ёлғиз боламни ўлдирди», деб жавоб бердим…
Ушбу жиноий иш бўйича жабрланувчи томонни ҳимоя қилаётган адвокат Фёдор Коноваловнинг гапига қараганда, гарчи марҳум болакай маст бўлган тақдирда ҳам бу айбдор полициячини жазодан озод эта олмас экан.
Асстағфирилло!!!