Туркия ҳарбий колоннаси Сурия армиясининг ғазабига учради…
Суриянинг Идлиб вилоятига қарашли Аль-Бара аҳоли яшаш пункти яқинида туркларнинг ҳарбий колоннаси Башар Асад армиясининг қақшаткич зарбаларига учради. Зарбалар шу қадар кучли кечдики, турклар аввал қуриб битирилмаган қурилиш объектига беркинишдан бўлак чора топа олмади. Турк аскарларининг ўн нафарга яқини оғир яралангани ҳақида маълумот тарқатилган. 65 та машинадан иборат ҳарбий колонна кейинчалик шимолга қараб чекинишга мажбур бўлди.
Бунга қадар Россия ҳарбий фазо кучлари туркларнинг ҳарбий колоннасига Аль-Барага кириш учун имкон бермаганди. Улар ҳаво ҳужумларидан сақланиш учун ортга қайтишга мажбур бўлган. Лекин орадан кўп ўтмай, улар яна шу ҳудудга қараб йўл солди.
Экспертлардан бирининг айтишича, Россия ҳарбий фазо кучлари самолётлари колоннани бомбардимон қила бошлагач, турклар самолётларни зенитли ракеталар ёрдамида уриб туширишни мўлжаллашган. Лекин қарашдики, бу самолётлар жуда-жуда баландда экан. Баланддан туриб ҳужумлар уюштираётган экан. Барибир турклар бир неча ракетани учиришди. Россия самолётлари эса бу ҳужумга янада қақшатқичроқ жавоб йўллади.