Қозоғистонлик аёл 33 йил олдин ғойиб бўлган отасини топди…
Қозоғистоннинг Шымкент шаҳрида 1984 йили таваллуд топган Наталья Зорина (исми-шарифи аёлнинг илтимосига кўра ўзгартирилган) уч ёшлигида ота-онаси ажрашиб кетган экан. Отаси уйдан кетган-у, қайтиб қорасини кўрсатмаган. Лекин алимент тўлашни канда қилмаган. Маълум вақтдан сўнг Ёқутистонга кўчиб ўтган-у, алоқа узилган. Наталья улғайиб турмушга чиқди. Икки фарзандли бўлди. Истамбулга к ўчиб ўтди. 2020 йил аввалида отасини қидириб топишга аҳд қилди. Олдин Ёқутистон ички ишлар вазирлигига сўровнома юборди. Бир неча кундан кейин вазирликдагилар отаси рўйхатда турган уй манзилини юборишди. Бир неча кун ўтгач, телефон рақамини ҳам жўнатишга сўз беришди. Аммо Натальянинг сабри чидамади. Интернетга кириб уй олди-сотдисини кўздан ўтказди. Айнан отаси рўйхатда турган уйда сотилаётган квартирани топди ва квартира эгалари билан боғланди. Кўрибсизки, отасининг ўзи қўнғироқ қилди. Улар тез фурсатда учрашишни режа қилишган. Наталья бундан буён ҳеч қачон отасини йўқотмасликка аҳд қилибди.
Алҳамдилиллоҳ!!!