Шаҳрам Ғиёсов мексикалик боксчини нокаутга учратиб, WBA International камарини ҳимоя қилди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Профессионал бокснинг супер енгил вазн тоифасида (-63,5 кг) рингга чиқаётган ўзбекистонлик Шаҳрам Ғиёсов (11-0, 9 КО) 3 апрель куни Тошкентдаги Humo Arena’да бўлиб ўтган бокс кечасида ўзининг навбатдаги жангини ўтказди. Ғиёсовга мексикалик Патрисио Лопес Морено (28-5, 20 КО) рақиб бўлди. Дастлабки раунд иккала боксчининг фаоллигида ўтди, кичик устунлик Ғиёсов томонида бўлди. Иккинчи раунд сўнгида мексикалик спортчи нокдаун ҳолатига тушди. Учинчи раундда Ғиёсов рақиб танасига кучли зарба йўллаб, уни нокаутга учратди. Бу ғалаба орқали Ғиёсов WBA International камарини яна бир бор ҳимоя қила олди.