Оёқлар ҳаддан ортиқ терлаганда нима қилиш керак? — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Freepik Оёқларнинг ортиқча терлаши ҳаёт сифатининг ёмонлашишига сабаб бўлади. Доимий намлик шамоллашга сабаб бўлиши, оёқлар ҳидланиши ва терида замбуруғ пайдо бўлиши мумкин. Бу каби муаммолар келиб чиқиши учун эса қуйидагиларга амал қилиш тавсия қилинади. Пайпоқ кийишни унутманг Иссиқ кунларда табиий пахта, совуқ кунларда эса жун матосидан тикилган сифатли пайпоқларни иложи борича тез-тез кийиб юришга ҳаракат қилинг. Мато ортиқча ажралган терни ўзига олиб, ёқимсиз ҳид пайдо бўлишини олдини олади. Махсус патаклардан фойдаланинг Баъзи ишлаб чиқарувчилар оёқлари гипергидроз яъни ҳаддан терлашдан азият чекадиган кишилар, профессионал спортчилар ҳамда куннинг аксарият қисмини ёпиқ оёқ кийимда ўтказишга мажбур бўладиган кишилар учун махсус патаклардан фойдаланишни таклиф қилади. «Тез» ҳазм бўладиган углеводларни камроқ истеъмол қилинг Таркибида тозаланган углеводлар бисёр бўлган маҳсулотлар, масалан, оқ нон, олий навли макаронларни истеъмол қилиш тер ажралишини жадаллаштириш хусусиятига эга. Қолаверса, тез сингадиган углеводлар бактерия ва замбуруғларнинг кўпайиши учун қулай шароит яратади. Айнан шу сабаб ҳам рационга эътиборли бўлиш ва оқсил, фойдали ёғлар ҳамда мураккаб углеводларга бой маҳсулотлардан тайёрланган бўтқалар, мева ҳамда сабзавотларни канда қилмаслик керак. Пойабзални тез-тез алмаштириб туринг Ҳар куни бир пойабзал кийилганда, уни қуриши учун учун имкон берилмайди. Шу сабаб ҳам ҳар мавсум учун бир неча жуфт оёқ кийим харид қилиб, уни ҳар куни алмаштириб кийишга ҳаракат қилинг. Кийилган пойабзални етарлича ёруғ ва очиқ жойда яхшилаб қуритинг. Оёқлар учун муолажа Икки литр илиқ сувга бир стакан олмали сирка, ярим стакан туз ва 10 томчи эфир ёғи солинг. Аралашмага оёқларингизни 30 дақиқа солинг. Яхши самара бериши учун ушбу муолажани ҳар куни такрорланг. Кремдан фойдаланинг Уйқуга ётишдан аввал оёқларингизга таркибида эфир ёғи ва антибактериал хусусиятига эга бўлган крем ёки маз суртинг. Улар замбуруғли инфекцияларни олдини олади. Болалар «присипка»сини харид қилинг Кун давомида оёқлар терлашидан халос бўлиш учун «присипка»дан фойдаланиш тавсия қилинади. Кукун ортиқча намликни бартараф қилиб қулайликни таъминлайди. Уни пайпоқ ёки юпқа колготка ичидан суртиш мақсадга мувофиқдир. Оёқлар «нафас оладиган» матодан тикилган пойабзалларни танланг Оёқлари мунтазам равишда терлайдиган кишиларга синтетик матодан тикилган пойабзалларни танлаш тавсия қилинмайди. Табиий вентиляция бўлмаганда бундан оёқ кийимларда намлик тўпланади ва бу замбуруғ ҳамда бактериал инфекцияларнинг кўпайиши хавфини орттиради. Айнан шу сабаб ҳам сифатли, оёқлар «нафас оладиган» табиий чарм ёки бошқа матолардан тикилган пойабзалларни сотиб олиш тавсия қилинади.