Виктор Кумиков: "Бундай учрашувни ортиқча таҳлил қилишга ҳам ҳожат йўқ" — Бизга қўшилинг: ???? https://t.me/joinchat/AAAAADwt0NGCRoONT4f1_Q
Суперлиганинг 23-туридан ўрин олган "Андижон" - "Насаф" (1:1) учрашувидан сўнг мезбонлар бош мураббийи Виктор Кумиков фикрлари билан ўртоқлашди. "Қийин рақибга қарши ўйнадик. Ғалаба қозонишимиз учун ажойиб имконият юзага келганди. Бундай учрашувни таҳлил қилишга ҳам ҳожат йўқ. Икки маротаба ҳам зарбани ноаниқ ижро этдик. Балки омад келмагандир. Ҳозирги кайфиятда муҳокама қилиш қийин. Кечирасизлар бор гапим шу. Албатта натижадан қониқмадим. Пенальти белгиланди биринчисида ҳам, иккинчисида ҳам тепа олганимиз йўқ. Шундай имкониятни қўлдан бой бердик. Ҳеч ким айбдор эмас, ўзимиз олиб келдик. Иккинчи бўлимда балки чарчаб қолгандирмиз. Йигитларга босимни ошириш кераклигини айтдик. Руҳий жиҳатдан ҳисобни ушлаб қолишга уриниб кўришди. Орқада ўйнаш, деган кўрсатмани бермагандик", - дейди Виктор Кумиков.