Лапорта “Барса”ни умуман бошқа мураббийга топширди! — Бизга қўшилинг: ???? https://t.me/joinchat/AAAAADwt0NGCRoONT4f1_Q
“Барселона” президенти Жоан Лапорта қарорига кўра, бош мураббийликдан истеъфога чиқарилган Рональд Куман ўрнига жамоани вақтинча Серхи Бархуан бошқариб туради. Бу ҳақда Каталония клуби матбуот хизмати расман эълон қилди. Серхи Бархуан футболчиларга вақтинчалик бош мураббий сифатида таништирилади. Клуб хўжайинларининг бундай қарорга келишига жамоани қабул қилиб олишга розилик берган Хавига ишларини тартибга солиб олиш учун бироз вақт кераклиги сабаб бўлди. Хавининг “Ал-Садд” билан амалдаги шартномаси бор. Қатарликлар испаниялик мураббий билан ҳамкорлик келишувини муддатидан аввал бекор қилишга рози бўлган. Бундан ташқари, шартнома бекор қилингани учун клубга бир миллион евро миқдорида бадал пули тўланиши керак. Хави “Барселона”га ўзининг ёрдамчилари – акаси Оскар ва Серхио Алегре, шунингдек, жисмоний тайёргарлик бўйича мураббий Иван Торрес билан бирга келади.