«Alibaba» va «Tencent» компаниялари жаримага тортилди
Хитой Халқ Республикасининг Бозорни назорат қилиш ва тартибга солиш бош давлат бошқармаси мамлакатнинг бир қатор йирик компаниялари, жумладан Алибаба ва Тенcент интернет гигантларини монополияга қарши қонунчиликни бузганлиги учун жаримага тортди.
Таъкидланишича, умуман олганда, сўнгги пайтларда тартибга солувчи орган томонидан монополияга қарши қонун ҳужжатларини бузиш бўйича 43 та иш қўзғатилган ва тергов қилинган.
Текширув натижаларига кўра, бошқарма ХХРнинг Монополияга қарши қонунининг 48 ва 49-моддаларига мувофиқ қоидабузарларни маъмурий жазолаш тўғрисида қарор чиқарган, уларнинг ҳар бири 500 минг юан (78,2 минг доллар) миқдорида жарима тўлаши керак.
Қоидабузарлик қилувчи компаниялар рўйхатига Хитойнинг энг йирик интернет компанияси Алибаба Гроуп, интернет гиганти Тенcент Ҳолдингс, Хитойнинг энг йирик чакана сотувчиларидан бири Сунинг, ДиДи конгломерати ва Баиду технология компанияси кирган.
Сўнгги йилларда Хитой ҳукумати монополияга қарши назоратни сезиларли даражада кучайтирди. Масалан, жорий йилнинг апрел ойида монополияга қарши қонунларни бузгани учун Хитойнинг бозорни назорат қилиш ва тартибга солиш бўйича давлат агентлиги Алибабаъни рекорд даражадаги 18,34 миллиард юан (2,78 миллиард доллар) миқдорида жаримага тортди. Октябр ойида мамлакат ҳукумати озиқ-овқат етказиб берувчи Меитуан компаниясини монополияга қарши қонунчиликни бузгани учун 3,44 миллиард юан (тахминан 533 миллион доллар) миқдорида жаримага тортди.
Жорий йилнинг 18 ноябр куни Хитойда монополияга қарши давлат органи расман рўйхатга олинди.
ria.ru