Қорақалпоғистонда газета таҳририяти ҳокимликни судга берди
Қорақалпоғистонда чоп қилинадиган «Ел хызметинде» газетаси таҳририяти Қораўзак тумани ҳокимлигини судга берди. Таҳририят томонидан киритилган даъво бўйича 2021 йил 16 декабр куни Қораўзак тумани жиноят ишлари бўйича суд залида ўтказилган суд жараёни якуни билан Собир Камалов ОФЙ ҳудудидаги 2016 йил май ойида узилиб қўйилган 875 та хонадон табиий газ тармоғига қайта уланадиган бўлди, бу ҳақда суд махсус ажрим чиқарди.
барда айтилишича, суд чиқарган махсус ажримга кўра Қораўзак тумани Собир Камалов ОФЙ ҳудудидаги 875 та хонадонни газ тармоғига қайта улаш чоралари кўриб чиқилиши белгиланган. Махсус ажрим ижроси юзасидан Қораўзак тумани ҳокимлиги 1 ой муддат ичида Нукус туманлараро маъмурий судига хабар берилиши топширилган.
«Ел хызметинде» газетасининг ҳокимликларни судга бериши илк ҳолат эмас. Бундан олдин ҳам айнан табиий газ тармоғидан аҳолини асоссиз узиб қўйилганлиги даъвоси билан Чимбой тумани ҳокимлигини ҳам судга берган ва судда ғолиб бўлиб, минглаб фуқароларнинг қонуний ҳуқуқларини ҳимоя қилган, яъни, хонадонларни табиий газга қайта улашга эришган. Тахиатош, Қанликўл туманлари ҳокимликлари эса судсиз таҳририят талаби билан аҳолини табиий газга улаш чораларини кўрган. Ушбу таҳририят ҳаттоки таниқли эстрада хонандаси Юлдуз Усмановани ҳам судга берган. Унда хонанданинг қорақалпоқ миллатига қарата айтган камситувчи сўзлари сабаб бўлган.
darakchi.uz