Марғилондаги хонадонда токдан келиб чиққан ёнғин сабаб фуқаро ҳалок бўлди
Бугун соат 10:31да Марғилон шаҳар 7-ЁҚҚга Марғилон шаҳар А.Навоий МФЙ Мустақиллик кўчаси 525 уй, 40хонадонда ёнғин бўлаётганлиги бўйича ҳабар келиб тушди. Бу ҳақда ФВБ хабар бермоқда.
Ёнғин-қутқарувчилар воқеа жойига 10:34да етиб бориб, 10:36да ёнғин ўраб олиниб, 10:38да тўлиқ ўчирилган. Ёнғиндан уйнинг 4 м² да уй жихозлари ёнган. 53 м² майдони сақлаб қолинган.
Содир бўлган ёнғинда уй эгаси фуқаро А.К куйиш натижасида воқеа жойида вафот этган.
Ходиса ўрганилганда, ёнғиннинг тахминий сабаби, Хонадон эгаси томонидан носоз электр кабелларидан белгиланмаган тартибда уйнинг пол қисмидаги гилам тўшамаси устидан тортилган бўлиб, қўшни хонадонларга хавфсизлик талабларига зид равишда олиб кирилганлиги, бу ҳам етмагандей битти удлинитилга ортиқча юкланиш юклатилганлиги натижасида келиб чиққанлиги маълум қилинмоқда.