ФВВ огоҳлантиради: Кучли қор ва совуқ кутиляпти — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фавқулодда вазиятлар вазирлиги Ўзбекистон гидрометеорология хизмати марказига асосланиб маълумот беришича, жорий йилнинг 13–15 февраль кунлари Ўзбекистон ҳудудига Ғарбий Қозоғистон орқали жанубий Урал ҳудудларидан нам ва салқин ҳаво массаси кириб келиши кутиляпти. 13–14 февралда республика бўйича баъзи жойларда шамол кучайиб, айрим жойларда чанг-тўзон кузатилади, жумладан: 13 февралда Қорақалпоғистон Республикасида 17-22 м/с.гача, айрим жойларида 25-28 м/с.гача кучайиши мумкин. 14 феврал республика бўйича баъзи жойларда 17-22 м/с.гача, Навоий, Жиззах, Сурхондарё, Фарғона вилоятларининг айрим ҳудудларида 25-28 м/с.гача кучайиши мумкин. 13 февраль куни Қорақалпоғистон Республикасида, 14 февраль санасида мамлакатимизнинг баъзи жойларида ёғингарчилик (ёмғир, қор), тоғли ҳудудларда қор ёғиши кучли бўлиши мумкин. 15–17 февраль кечалари ҳарорат -4, -7 даражагача совиши кутилмоқда. Фавқулодда вазиятлар вазирлиги аҳолидан барча хавфсизлик қоидаларига риоя қилишни сўраган.