Мюнхен анжумани: Шольц Россиянинг Украинага бостириб кириши "жиддий хато" бўлишини айтди
Германия Канцлери Олаф Шольц Россиянинг Украинага бостириб кириши "жиддий хато" бўлиши, бунинг "сиёсий, иқтисодий ва геостратегик оқибатлари" аянчли бўлишини таъкидлади.
Мюнхен Хавфсизлик анжуманида сўз олган Шольц Россия расмийларининг Донбассдаги геноцид ҳақидаги баёнотларини "бемаънилик" деб атади.
Германия Канцлерига кўра, Россия Украинанинг НАТОга эҳтимолий қўшилишини босқинчилик баҳонасига айлантиришга уринмоқда.
“Чунки бу масала кун тартибида эмас”, деб тушунтирди Шольц.
Мюнхен Хавфсизлик анжуманида дунёнинг ўттиздан ортиқ давлати вакиллари қатнашмоқда.
23 йил ичида биринчи марта Россия вакиллари унда иштирок этмаяпти.