Киевда диверсантларни аниқлаш мақсадида 17:00 дан кейин кўчага чиқиш тақиқланди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Униан Украина пойтахти Киевда комендантлик соати муддати узайтирилди. Бу ҳақда шаҳар мэри Виталий Кличко хабар бермоқда. Унинг айтишича, комендантлик соат шаҳардаги диверсант-разведкачиларни аниқлаш учун узайтирилган. «Диққат! Пойтахт мудофаасини кучайтириш ва фуқаролар хавфсизлигини таъминлаш мақсадида 26 февралдан бошлаб комендантлик соати 17:00 дан 08:00 гача амал қилади. Бу муддатдаги комендантлик соати 28 февралгача амал қилади. Комендантлик соати вақтида кўчада бўлган ҳамма одамлар душманнинг диверсант-разведка гуруҳи аъзоси деб ҳисобланади. Вазиятни тўғри тушунган ҳолда кўчага чиқмаслигингизни сўраймиз», деб ёзди Кличко ўз каналида. Олдинроқ Киев мэри ўзининг Telegram-каналида Киевдаги кўп қаватли уйнинг газ ўтказгичи яқинига номаълум одам белги қўяётгани тасвирланган видео эълон қилганди. Унинг айтишича, душман томонига ишлаётган диверсантлар шу тариқа ракета зарбалари учун белги қўймоқда. Кличко айни дамда Киевда рус ҳарбийлари йўқлиги, фақат қўпорувчи гуруҳлар ва диверсантлар ҳаракатланаётганини маълум қилган.