Алимент тўловлари масаласига бағишланган тадбир ўтказилди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Мамлакатимизда алимент тўлаш мажбуриятларини белгиловчи бир қатор норматив-ҳуқуқий ҳужжатлар қабул қилиниб, тегишли чора-тадбирлар амалга оширилиб келинмоқда. Мажбурий ижро бюроси Навоий вилояти бошқармасининг туман-шаҳар бўлимлари иш юритувида алимент ундириш билан боғлиқ 12.702 та ижро ҳужжатларидан 7.780 та ҳужжатлар бўйича ундирув Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 64, 67-моддалари асосида қарздорларнинг иш ҳақларига қаратилган. Вилоят бошқармаси ташаббуси билан жорий йилнинг 2 апрель куни вилоятдаги йирик корхона ва бошқа ташкилотларнинг вакиллари иштирокида алимент тўловларининг иш ҳақидан ушлаб қолиниши юзасидан тадбир ўтказилди. Тадбирдан кўзланган мақсад Давлатимиз раҳбарининг 24.11.2020 йилдаги "Суд ҳужжатлари ва бошқа органлар ҳужжатларини ижро этиш тизимини янада такомиллаштириш чора-тадбирлари тўғрисида"ги Фармонига асосан ижро ҳужжатлари бўйича ҳар бир ундирувчи номига очилган банк картасига алимент пуллари, шу жумладан қарздорнинг иш ҳақидан ушлаб қолинган алимент пуллари ушбу банк картасига ўз вақтида ўтказилиши ҳамда Адлия вазирлигида 08.09.2009 йилдаги 1980-сон билан рўйхатга олинган “Қарздор жисмоний шахсга иш ҳақи ёки унга тенглаштирилган бошқа тўловларни тўлаётган ташкилотлар ёки бошқа шахслар томонидан ижро ҳужжатларини ижро этиш Қоидалари” асосида тўловни амалга оширишдир. Тадбир давомида бошқарма бошлиғи ўринбосари В.С.Тошпўлатов томонидан тадбир иштирокичиларига тегишли тавсия ва кўрсатмалар берилди.