Никола Лазаревич: "Рақиб иккинчи таймда шунчалик зўр ўйнадики, жамоамизга ҳеч қандай имконият қолдирмади" — Бизга қўшилинг: ???? https://t.me/joinchat/AAAAADwt0NGCRoONT4f1_Q
Суперлига 8-туридан ўрин олган "Қизилқум" – АГМК (1:4) учрашувидан кейин навоийликлар бош мураббийи Никола Лазаревич фикрларини билдирди. - Ўйин ҳақида - Натижадан қониққаним йўқ. Шундай бўлиб қолди. Лекин баҳсга жиддий тайёргарлик кўргандик. Индивидуал хатолар туфайли имкониятларимиз йўққа чиқди. Ўйлайманки, ташкил этган вазиятларимиздан фойдаланганимизда ўйин умуман бошқача кечарди. Рақиб ҳужуми хавфли кўриниш олишини билардик. Улар қарши ҳужумга ҳам яхши ўтишади. Охирги 30-35 дақиқада ҳеч қандай қаршилик кўрсата олмадик. Қаерда хато қилганимизни билиш учун ўйинни батафсил таҳлил қилиб чиқишимиз лозим. - "Қизилқум" легионери Александар Станисавлевич умуман яхши ўйнай олмади. Унинг паслари ҳам жуда ноаниқ кўриниш олди... - Ҳа, у бугун ёмон кўринди. Бироқ у тажрибали футболчи, бир ўйин тақдирини ҳам ҳал қила олади. Унда қулай вазиятлар юзага келди, аммо фойдалана олмади. Рақиб иккинчи таймда шунчалик зўр ўйнадики, жамоамизга ҳеч қандай имконият қолдирмади. - Игнатий Нестеровнинг ўйинини қандай баҳолайсиз? - Қарийб 40 ёш бўлган посбонимиз шу пайтгача яхши ўйнаб келаётганди. Бугунги голларни кўриб чиқишимиз керак. Ўйлайманки, у катта хатоларга йўл қўймади. - Шуҳрат Муҳаммадиевни нега алмаштирдингиз? - Шуҳрат чарчаган ва кичик жароҳат олгандай туюлди. У бир неча кун жароҳатини даволаб, эндигина сафга қайтганди. Шунга алмаштиришга қарор қилдик. - Жароҳатланган Эркин Байдуллаев ва Бобур Юлдашев ҳақида нима дея оласиз? - Байдуллаев бетоб бўлиб қолган. Шифокорлар унга ҳозирча ўйнашга рухсат беришмади. Юлдашев ҳам жароҳатда. Умид қиламанки, кейинги гал сафда бўлишади.